故事延续上年嘅四月…

回忆, 总係充满酸甜苦辣…

怀缅过去…常陶醉…一半乐事…一半令人流泪…

上年嘅同样时间, 我应该係刚完成dissertation嘅proposal. 一切如常, 欢笑总是围绕住自己, 仍然被幸福既感觉包围. Easter之后, 照常嘅上课, 翻工, 交作业…匆忙之中, 到达五月, 係考试嘅周期, postgraduate嘅最后岁月. 唔知点解, 今年嘅考试我一D都唔紧张, 记得International Banking之前嘅一日, 当大家都係度好认真咁为考试准备, 我竟然开左车去Snowdonia兜风. 或者係自己唔中意畀D咁压抑嘅气氛包围, 湖泊和树林可以令我冷静, 清醒…当然, 考试係满意嘅表现之后结束…

六月份去左意大利, 向往嘅地方. 唔知点解一直都好中意意大利, 或者应该讲一直都好中意威尼斯..以前成日都话如果去到威尼斯, 一定要跳落水游下. 当然, 最后係没做到啦, 因为D水真係好污糟. 但景色真係好靓, 广场上因为水位上升而出现既光影, 如铁达尼一样既乐队表演, 仍然令我印象深刻, 陶醉在其中…罗马嘅许愿池, 真系好灵验, 我许咗三个愿望, 已经实现咗两个. 解开咗我一个多年嘅心结, 明了咗一个答案; 论文嘅distinction…最后一个, 只能作为一种未知的期盼…

两个星期嘅时间虽然唔长, 但我地都过得好写意. 总括嚟讲, 係一个满意嘅旅程, 真係好开心, 愉快. 亦留低好多既光影…

七月到八月, 生活比较无聊, 每日都係做论文. 数据嘅处理比自己想象中困难, 真係花咗好多功夫. 其中令我好感慨嘅, 係Yener作为老师嘅态度. 我承认以前真係没好好咁去了解过呢位老师, 如果唔係距, 我可能永远都做唔出呢份论文. 当Jonathan完全唔理会我嘅时候, 係Yener手把手, 一个一个数咁教我将数据进行矫正. 我甚至之前完全没同佢打过招呼, 只係停车嘅时候见到佢办公室开咗灯, 就发email畀佢话有问题要问. 佢竟然唔到10分钟就回复, 而且话我可以即刻去佢办公室. 几年嚟係Bangor真係对佢好多误解, 或者都没机会解释, 庆幸佢中意我最后送嘅farewell 礼物.

踏入九月, 论文亦到咗收尾嘅阶段. 我地决定, 搬嚟London, 开始另外一种奋斗. 搬嚟之后嘅一个星期, 论文完成咗. 又翻Bangor交作业. 同铺头讲bye bye. 最后一日翻工嘅时候, 真係好唔舍得, 小品话我走嘅时候佢觉得好似係度睇戏咁. 唔知道当时自己嘅表情係点, 或者真系好伤感. 晚黑做野嘅时候, 我一直都係度假想最后要点同老细讲多谢. 整理咗好耐, 只有好简单嘅一句说话: “多谢你呢几年既教导, 照顾同帮忙, 有机会翻嚟广州嘅记得揾我玩.” 但唔知点解, 居然都讲唔晒…说话去到一半, 已经讲唔落去…唔知係紧张, 伤心定感慨…只係记得当时一直同老细握住手, 想讲又讲唔出, 而且要尽量忍住眼泪…

呢个真系一个令我留低好多回忆, 学到好多野嘅地方. 可能我以后永远都唔会再遇到一个咁好嘅老细, 一个咁开心嘅工作环境…但我永远都会记得Phoenix Chinese take away…

九月尾嘅时候, 班花, 牛都翻咗屋企, 离开呢个异地…十月份嘅时候, 屈亦都翻埋去…代表, 係英国, 我最亲密嘅几位好友, 都离开, 翻去开扩属于佢地嘅天地…

十月头嘅时候, 因为一D特殊情况, 我又翻咗铺头一次, 去帮手. 坐火车翻去嘅时候, 接到爸爸嘅电话, 好简单几句说话: “细佬, 中秋节快乐, 记得食月饼啊.” 爸爸一贯嘅风格同语气. 但係唔知点解, 反应过嚟嘅时候, 脸上已经布满泪痕… “爸爸, 我好挂住你地.”…

当时嘅感觉, 真系觉得好孤单. 自问出国咁耐, 好少会非常想家. 或者係因为自己已经搬咗去一个陌生嘅地方, 一切又要重新开始; 或者因为没晒朋友係身边觉得好孤单; 或者真係每逢佳节倍思亲; 或者, 我真係好挂住你地…

十月, 在英国, 这是一个烟火嘅季节. 亦都係一切恶梦嘅开端…

本来四年开心嘅英国生活, 现在又添加了悔意和心酸…忘记呢四年, 对我最重要嘅四年, 谈何容易…多年嚟出国造成嘅遗憾, 现在, 又多咗一样…

十月十六日, 天晴, 幸福嘅火车到咗终点站, 落车, 係唯一嘅选择…

本来只系普通嘅一日, 回到我们二人世界嘅一日, 一切回复正常嘅一日, 开始计划新未来嘅一日…而一切, 只係向另一个方向发展…将我留係度…

肥佬话係我自己都放弃逃避; 陈铿话係我没跟上佢嘅步伐; Tracy叫我放开; Lily同Vincent话会企係我呢边; 妈妈叫我畀多D空间大家; 建宁话我太傻…

一切一切…边样先係啱…

这是烟火嘅季节, 童年那短暂嘅零散火花, 今日在他乡, 却是如此奢侈. 如时光一样, 当你开始领略身边最璀璨美丽嘅留影, 佢却开始为你倒计时…

十一月, 再次领略到家嘅美好. 为咗参加Vincent同Lily嘅婚礼, 亦都係为咗逃避, 我再次翻到屋企. 感觉, 真係太好…

我去咗云南, 去帮Vincent做伴郎. 多谢Vincent同Lily, 让我参加你们的婚宴, 分享你们的快乐和幸福. 衷心地祝福你们, 终于能走在一齐. 你们, 是幸运儿…

我没你地嘅幸运, 上天本来就没留下太多嘅运气畀我. 因为上天, 已经将最大嘅幸运赐咗畀我. 我嘅父母同家人…我嘅几位恩师…同埋佢…

爸爸, 对不起, 我可能真係要令您失望了, 我没勇气继续留係英国, 在学业上作出更大嘅突破. 或者博士嘅头衔, 对依家嘅我嚟讲, 真係太重喇…

妈妈, 对不起, 每日都打电话翻去, 令您担心, 让您牵挂, 但您们是我现在唯一嘅倚靠, 唯一可以肆无忌惮哭诉嘅对象…

多谢我嘅家人, 一班令我每次想起都会欢喜流泪嘅家人: 能为我多年后嘅回归, 准备丰盛餐会嘅姨姨们; 为我工作紧张嘅姨丈; 为我带来支持和新玩具(僮僮)嘅两个表姐; 为我满足自己作为大哥哥欲望嘅表弟表妹; 为免我担心而隐瞒一切嘅家人; 为我嘅成就欢欣嘅家人…

多谢你地…多谢…

任世间怨我坏…可知我只得你地…承受我的狂或野…

顺路亦完成咗我多年嘅遗憾, 云南游. 云南真系好靓, 本来答应翻嚟要同佢一齐嚟嘅地方, 依家相片中, 只剩下我独个嘅身影. 睇嚟係雪山顶嘅呼唤, 亦都没传到嚟英国…