虽然好多人都系话我系硬颈, 但系自己讲过既野就就梗系要做到啦, 所以两年都没翻过屋企. 依家终于结束, 都系时候翻去见下D江东父老. 跟住爹娘一齐翻屋企. 翻到去最大既感觉就系, 真系好热啊!!! 好唔明白点解会甘热, 反正就系好热, 热到离开空调就几乎死得!!! 而且翻到屋企, 鼻炎严重左好多, 真系严重到用唔到个鼻呼吸. 唯有去睇医生, 一个话要去做手术, 一个话喷下药就得, 一个话好唔到, 搞到好似绝症甘. 最终只要自己注意下, 记得每日喷药就ok. 同埋广州真系好多人, 好似帮我将两年见得少既全部补翻甘. 而且唔知点解觉得从翻到屋企开始, 就没点见到人笑, 唔同真系中国生活压力大D??

翻屋企当然唔少得见翻D老友啦. Panda个肥仔份工好轻松嘎, tie都唔使打. 陈铿同学导演编剧监制一齐做, 厉害厉害. Liza, 直接都好似靓女左. 一个系广告公司做, 一个就做老师. 仲有其他既都见唔少, 同陈华君啊, 曹贼, 陈淳坐埋, 大家都会不约而同甘谂起何永. (死仔, 睇到既记得打个电话过黎啊, 好耐没同你倾计喇!) 或者不得不提既, 系两年后, 再见翻一D系我生命中存在好大意义同影响既人. 或者我真系唔系好识得处理我地之间既关系. 同距地既见面, 都只系好短既时间. 有好多野想讲,有更多既讲唔出, 只能强装出平常心. 同一间戏院; 同一个mall; 同一样既事; 但系感觉, 已经完全唔同. 想讲既, 可能只系想解开自己心入面既结, 释放开来; 讲唔出既, 系因为怕连现今既关系, 都唔可以维持. 或者只系知己, 系大家相处既最好解决方法. 歌仔都有得唱啦 ‘还好变成了知己, 起码随时见到你.’ 但心中既唔甘心, 唯有一直埋系心既最底处.

翻屋企最紧要既, 当然系见翻D屋企人喇. 虽然一早就知道细表要结婚喇, 但系谂唔到甘快就要做人mummy. 谂落表姨甥都两个几月大咯. 希望下次翻屋企果阵距已经识得叫舅父啦. Mummy距地同舅父终于都开始解开甘多年黎既心结. 睇得出, 妈妈系由心入面笑出黎. 其他人都系健健康康, 睇落都好精神. 甘样已经好足够咯. 当自己或者身边最亲既人身体有时既时候, 或者先会发觉, 健康, 先系最重要既. 钱, 名誉, 地位, 系生命既话题前, 都会变得失去份量. 回想起系我出国既两年, 好多从细睇到我大既长辈, 都已经离开左…以后唔会再系过年前收到电话问: ‘忻啊, 想唔想食萝卜糕啊?’ ; 唔会再有人提醒我: ‘剪短D个发, 睇落先精神, 先似未来既社会青年!’…遗憾既系, 我没系距地离去既时候, 为距地焚一束香, 以表一点心意. 只能希望仙人安息, 遗者顺变…

仲有一件几有意义既事, 系我去左中信银行既国际部实习左一个月. 其实银行既工作, 又真系几沉闷. 非常庆幸自己跟到一个好师傅, 同埋有一班好同事. 虽然期间都有辛苦, 但系学到既野比较多. 又庆幸自己系系国际部呢D又重要又忙碌但系工作环境轻松既部门工作, 唔系好似营业部之类既咩都要规规矩矩, 气氛凝重好多. 起码最后走既时候, 得到一份唔错既推荐, 同埋一班同事既不舍…

好快两个月既时间又过去. 又要再回到bangor, 继续学海无涯.

两年前, 当我转身走入白云机场既禁区, 眼泪, 好似关唔到开关甘, 不停…当时, 系我第一次离开父母, 去一个完全陌生, 甚至没人听得明我讲咩既地方… 两年后, 系香港既机场快线, 我再一次忍唔住泪水. 当时, 甚至系有一种力量, 令我唔想上火车. 甚至系有一面睇唔到既墙, 令我想转身, 回到父母既身边. 唔知点解我好怕, 再一次离开父母. 两年后既归家, 使我更深切感觉到, 家, 系一个多么好既地方. 使我感觉, 自己仲只系一个希望父母痛锡既细路. 睇到爸爸妈妈甘大年纪, 仲要为我奔波, 心入面, 只有愧意. 对唔住, 我仲未可以做到令你地放心, 仲未可以能你地以我为荣.

爸爸, 妈妈, 多谢你地, 你地永远系最好既. 我爱你地.

You two are the best god gave me. I love you.

跟住翻到英国既生活, 就没咩好讲喇, 好似军训甘. 上课, 放学; 睇书, 交作业; 打波, 返工放工. 虽然未至于三点成一线, 但系都比较routing. 令自己都仲几对得住自己既, 系到依家, 我都没逃过一次课. 相反, 仲上多好多. Post既课程某种程度上黎讲, 反而比under既要轻松. 主要系因为老师既关系啦. 同以前最大既唔一样, 系偶然要出一次远门, 解相思之苦. 生活一切都过得几顺利. 如果kenny同stanley都一齐系度读就好啦, 做assignment可以多个人倾, 打波可以多个人玩.

点都好啦, 又过去一年喇, 希望今年剩低落黎既时间都可以顺顺利利. 星座生肖都话今年运程不错, 阿妈仲专灯寄张报纸过黎话咩红鸾星动, 小心桃花劫. 点都好啦, 希望大家都心想事成, 一本万利 (好似过年D对白甘).

最后多谢各位有心人甘有心机睇晒全文. Life goes on…