谂谂下, 从上次更新到依家, 都应该有半年咯. 因为懒, 因为忙, 或者, 只系希望通过space收到更多生日既祝福…whatever…

妈妈话, 每年都记录下回忆下自己上年做过D咩, 对自己既成长有帮助, 又好似某某子讲既, 温‘旧’ 而知新. 其实我都中意写D自己既过去, 系回忆既过程中会发觉自己做既野岩唔岩, 有没进步. 但系依家要我写字, 唔知点解好似辛苦好多. 记得岩岩黎bangor果阵, 大概一个星期左右就会写D野上黎, 专灯畀人睇好, 发泄下好, 吹下水好, 好多情绪, 感觉好新鲜. 可能依家已经系完全习惯晒英国既生活, 已经没咩刺激; 加上自己三分钟热度既性格, 好难长时间维持一种习惯. 我试过坚持每日做三组每组120个既push up, 一共坚持左四个月; 我试过每日朝早起身读英文, 坚持左半年; 我试过每个星期跑步两次, 但只系维持左短短既三个星期. 谂翻转头, 全部都系发生系year two既时候.

上年既呢个时间, 记得好似系某个和尚话要搞咩独立, 跟住引起左好大既回响. 我记得自己都好似系边度转左篇野果黎个space, 但自己就咩都没写. Easter本来话要去美国, 但系四个钟头系美国大使馆, 只系等到个肥佬话sorry I am not able to give you an visa today. 仲搞到我头头尾尾没左成200镑. 结果Easter就系返工既日子中度过. 印象中仲去左canaflona 行下距果个城堡. 其它就没咩特别. 玩下扫雷, 睇下连续剧, 就度过左一个vacation. 进入5月, 紧紧张张甘复习考试. 四年既大学生涯, 正式告一段落…

本来谂住想先自己出去玩下, 然后就同爹娘游英国, 点知自己既签证 ‘时日无多’, 没办法再去扮申根, 最后唯有乖乖地留系英国.

爸爸妈妈同四姨贞姨一齐过黎参加我既毕业礼. 虽然知道好多野会好麻烦, 但系有咩开心得过同距地一齐分享呢份喜悦. 去左London, 去左探贤姨, 去左苏格兰, 去晒该去同我识得去既地方. (谂落D相好似都仲未放上黎) 我都知道好多野我招呼不周嘎喇, 希望甘多位团友原谅喇. 我真系唔知道订酒店仲要分cooked breakfast同uncooked breakfast嘎; 我真系唔知道原来train ticket每日分开买平过三日一齐买嘎; 我真系唔知道原来坐巴士系会甘唔舒服嘎; 我真系想等你地坐没盖巴士嘎; 我真系谂唔到B&B系住得甘舒服嘎; 我真系没计过原来想玩得平系会甘累嘎. 希望各位团友多多包涵, 下次本导游会安排好D嘎喇. 最紧要你地依家都好觉得今次玩得开心就得啦, 唔好去消委会投诉就ok咯~~~

毕业典礼果日系自己第一次着得甘 ‘试正’. (原来都几靓仔) 件袍着上身都几型, 不枉我专灯买件型shirt. 系PJ hall甘庄严既环境系 ‘闷’ 左个几钟, 就系为左行上台同校长握下手, 然后行翻落黎. 讲真读左两年都系第一次见校长, 原来甘多白头发. 为左抛帽呢个甘解放既动作, 拼搏左四年喇, 成绩都系预期之内啦, 平平安安, 没风没险. 而且最后都系决定留系bangor继续postgraduate. 当然主要系因为人地唔收我啦, 第二就系因为自己懒啦, 唔想发甘多apply, 第三系其实真系几中意呢度D老师. (apart from yener ok!)